• En total acondicionaranse máis de 3 quilómetros en camiños de Vilanova, Perbes e Miño.
• Con motivo destes traballos advírtese aos usuarios das vías de que poden producirse desvíos de tráfico.
O Concello de Miño iniciou esta semana os traballos de renovación do firme en diversos camiños municipais da paroquia de Perbes e nos núcleos de Sombreu, en Miño, e San Xoan de Vilanova.
A través desta intervención, dotada cun investimento de 143.423,44€ euros procedentes do Plan Único da Deputación da Coruña, acondicionaranse máis de tres quilómetros de viais repartidos do seguinte modo:
• En San Xoan de Vilanova actuarase no lugar do Couto.
• En Perbes, a actuación implicará traballos en Fondal – A Rúa, Ou Curro, O Couto, en Nigrofe, e nos tramos de Sambollo a Bolo e na Torre, no lugar de Bermaño.
• Pola súa banda, en Sombreu, as obras desenvolveranse no vial que conecta Bra con Ou Castiñeiro.
Con motivo da execución dos traballos desde o Concello advírtese da posibilidade de que se produzan desvíos de tráfico, e ínstase aos usuarios destes viais a que circulen con precaución.
